آمار
وب سایت:
گؤزلریمین یاشی
اثر : استاد دیندار (کامران)
چات دیم کاما یار اؤلکسسینه من گذر ائديم
مهمان یار اولدم گئجه می من سحر ائدیم
یار اؤلکسینه چاتماز او فردوس برینده
آخیر او گؤزل اولکیه ای جان گذر ائدیم
میخانیه وصلینده یارین عقلی بوراخدوم
مستانه چکیب نعره جهانی خبر ائدیم
بو وصله قضا و قدرین چات مادی زوری
هممت ائلیب دفع قضا و قدر ائدیم
قوی تیر بلا یاغسادا یاغسین بو دیاره
عزمِي گؤزلیم بو سفرِی پر خطر ائدیم
خوفیم داها یوخي پیک عجل ي گلسده گلسین
أوز قصّه می من اهل جهانه سمر ائدیم
سن تک گؤزلین وصلینه ال چاتماغا خاطیر
دونیانی گزیب عا لمی زیر و زبر ائدیم
قوی خال سیاهون دن أوپیم زائرم ای گول
اولدوم حاجی کوینده او خالی حجر ائدیم
زنجیره چکیب لر منی مجنون تکین آ مما
رویا ده گلیب سن کیمی یاره نظر ائدیم
داغ داشدا گزن جیران تای داغلارا دوشدیم
نیلیم هوس دلبری زرین کمر ائدیم
آسان منه بو وصل گلیب اولمادی میسور
آئینه تکین کؤنلومی غمدن کدر ائدیم
دؤن میشدی قانا گؤزلریمین یاشی غمونده
قان ایچره یانیب کونلیمی بحر ی خزر ائدیم
گر وار هوسین یوخلیاسان گل منی یوخلا
بیر گون گورسن دار فنادن سفر ائدیم
کامران اوقدر شعر و غزل سئولدین آخیر
خلق ایچره گلیب شعریمی شیرین شکر ائدیم
خبرنامه وب سایت:
